日記上載 2025年10月1-4日

成晚好訓，
但訓醒就好沉重，
因為另一半問左一條問題後，
我既回應導致佢陷入左一個巨型旋渦，
呢個旋渦點形成，
有幾大幾深，
威力有幾勁，
我一律吾清楚，
我只知道佢存在，
而我本能反應係回避，
保持距離，
我解釋吾到，
但又睇手機時，
見到提示，
上天係俾機會你定直接變你想成既？
甘樣諗，
我反而偏向，
我係各種想要既野入面，
我更想要佢了解自己同表達自己，
所以要時間同埋我要接受期間帶泥既不適，
我要好好控制自己既情緒，
因為我單睇表面，
我覺得呢件事不值一提，
甚至出現，
如果一個假設性問題會令自己甘大情緒，
甘當初條問題想得到既答案係咩？
直接提出吾係就可以？
我本身思考方式就吾同佢，
風險就大，
如果吾用直接方式，
使用試探，
拋磚引玉等方式，
往往超出預期想像，
其實到底係咩原因，
可以令到個回答，
令佢一下子無哂溫暖同放低哂所有野，
我仲要等到幾時先願意開口？
我好想佢自己表達出泥，
同時亦俾佢既冷淡令到我都心冷，
呢種吾出聲，
嬲，
將所有行為當我成陌生人既冷暴力，
亦令我十分難受。

沉日由訓醒打完篇野後就同另一半傾反件事，
一傾就順利處理好哂件事既原因，
互相了解到大家既思考方式既不同，
同埋打開左新既進度，
我吾知點樣表達會更好了，
零碎表達出泥，
因為短短2-3小時講左好多好多野，
首先了解大家思考既不同，
完全完全吾同，
大家已經不同，
而我個人單方面更係對一條問題有無數既答案，
對一個問題亦有無數個理解方式，
無數乘無數後既可能性係無限，
所以吾好亂對我問問題，
一定要鎖定又精準。
我好開心表達到俾佢知我既思考方式，
亦聽到佢分享，
佢原本問問題既想法，
情緒來源既原因，
以及之後既處理過程同想法，
先講我第一次甘清楚聽到佢甘直接表達到佢既情緒所有想法同時係抽離出泥甘講，
我好開心，
我超級開心，
佢可以好平靜甘表達佢既情緒同感受，
一啲指責性都無。
我超級開心，
好開心，
真係好開心。
我仲係佢既分享入面發現到，
我地幾多既吾同都好，
有兩個想法大家係一樣時，
件事就會往一樣想法時去行（當然呢個一樣既想法係正負都會影響結果正負），
分別係
「我無辦法當下處理到，亦擔心處理太完會太夜又吾知會吾會更差，但當下情緒仲係度，甘就只做大腦同手可以做既事。」
另一個就係訓醒後
「雖然今日原本都係大家各自做自己事，但我吾想全日都係甘既狀態，大家好好搵時間甘傾下。」
只係呢個共同想法外，
其他想法都係各不相同，
各有各諗，
亦因為有呢兩個想法一樣時，
先促使到我地之後既發展，
互相了解同表達。
我當下仲覺得一段關係既維持，
就係有冇共同一樣既想法，
只要有一個就足夠，
呢種感覺好特別，
我以前都會諗好多好多要素先係一齊既關鍵，
但同時亦思考到，
盡管看似正常，
只要一個資訊誤會，
想法吾一致時，
一切過往既累積都可以灰飛，
既脆弱又堅韌，
呢刻感受到，
只要有一個共同想法時，
一切既問題都可以處理。

係了解既過程，
我仲收獲一個巨大既禮物，
另一半意思到有情緒吾屬於我地之間既事情，
卻因為陰影重疊而觸發左機制，
而呢個機制仲會無視一切事實，
我亦好神奇地，
今次意識到呢件事，
可以好好甘表達俾佢知我觀察到呢件事，
聽到佢講：的確吾關你事」既時候，
我真係心底喊出嚟同好感動，
因為佢終於發現呢個情況，
而我亦表明，
我以往自己都有好多呢啲問題，
都係另一半一一幫我意識到拆解，
但醫生不能自醫，
病人亦吾識幫醫生時，
我一直一直都想俾佢知，
但自己亦學習中，
未能平靜情緒下表達，
往往同佢對火。
我深信呢個覺察會令一切大大昇華，
我地既關係更加堅固，
面對情況亦會鋒利柔軟，
一切遊刃有餘，
我自己經驗，
只要覺察到就已經處理左一半有多，
剛剛開始呢句說話我聽到時，
吾信，
但係自己身上體驗左無數次覺察本身就係解決之一時，
我深信，
如何解決可能要時間，
但未覺察到前，
係必定無法又自己心裡正式面對又處理。

好神奇，
最後我問另一半有冇諗過我地會傾成甘（美好謝幕），
大家都答無，
我自從接受左隨機性同面對一切變化，
對我生命既影響好大，
今次我因為接受一切情況（包括自己既被害陰影），
反而面對對方情緒同自己表達時，
都無吸收同輸出情緒，
都只係局外者甘觀察同描述，
呢個互相了解既過程入面，
我地打破好多既誤會牆壁，
可以好直接見到對方同對方既想法，
吾再係同自己想像既對方溝通。
我對另一半同自己都係表示最高既敬意，
我地兩個都做到，
好開心。
之後對方仲提意沖個涼，
進行情緒排毒，
我好鍾意呢個詞語，
好正向又舒服，
經過一晚同溝通，
雖然美好句號。
但過程身心所累積既情緒的確好值得用一個簡單既沖涼去淨化。

當日我地無數既對話都好舒服，
好近貼，
夜晚既攬攬錫錫都補反哂，
亦因為能量處理好又狀態好，
另一半亦高速甘處理哂所有佢想處理既事，
好開心既一日。

好開心。
（我會再補充反，吃薄餅熱氣，買到優惠食品，睇左蛋白粉同巨量既設計😂🤣，石班飯好正，同埋傾左計俾佢知道我對禮物既睇法亦了解佢原來一直等緊好既時機共同創造回憶。）

今朝好急趕甘出門吾記得拎電池，
今日無風扇衫既情況下，
吾知頂吾頂得住呢。
好耐無食餐蛋治，
今日買反泥食，
好懷念。

反完工，
用哂所有電量，
好好休息，
睇住自己身材愈來愈好，
好開心。

大滿足，
訓左好多，
接近9小時，
不過溫度仲係問題，
4-5點前都比較熱，
之後就開始凍。

大腦又開始急速運轉，
未知咩事同思考緊啲咩。

再次明白蠢人既殺傷力，
呢個蠢吾係普通理解既蠢，
係思考模型上既蠢，
當然更精確叫左，
對方既思維會影響到我既思考同安排時就代明詞，
再加上最重要一點係對方會以責任為主軸而非處理件事，
又吾可以甘講，
睇泥都係吾好標籤，
因為每個人都係獨立，
甘樣粗糙既分類標籤本質上我就反感，
我又點解要做一樣既事，
但我要如何表達先好？
我本身既包容性幾高，
但表達出去俾人睇到既反而吾係，
同埋…有啦，
好似照顧野生動物甘，
想表達善意，
但對方恐懼同本能既自我保護，
會令我既善意被曲解，
同時以前既我吾識保護自己不斷受傷，
學識左之後就好好多..

我既3號波泥遲咗呀，
今日發生左好多事，
我都未記錄，
蠢人既影響（X姐既無知），
抽離既勇氣（X既幫手），
個人既空間（我個人既工作），
責任既選擇（同事們的各個方法，好似任務任接一樣），
共同理解既效率（同事都理解又貼心幫助既快樂），
狠毒既復仇（爸爸既反悔），
開放既廚師（接受我奇怪菜單既媽媽），
測試既浪漫（另一半訓前俾我做測試，兩邊結果都好得意，仲要係配合型）

我既三號風球遲咗到，
仲諗住可以放多日假。
其實每日寫作既人，
我覺得作地真係時間安排得好好，
同埋放低好多娛樂，
大部分時間俾自己思考。
大腦呢兩日都高速思考，
諗到太多野，
卻消化吾切同記錄吾切，
其中一個主要原因，
就係吾夠訓，
同訓吾好，
要再諗方面處理馬鞍山既睡眠質量。
同埋就係心身壓力？
馬鞍山既能量可以點改善？
銅線既幫助有幾大

今日係農墟，
第一次見甘多人入村，
好似好熱鬧甘，
不過我全心全意只想放工攬住另一半，
24小時痴住另一半，
只從上次大升華後，
我更加更加鍾意另一半，
我想同另一半創造一切。

今日體驗左農墟同賣野，
好好彩我已經準備好面對一切，
好開心又接觸到好多嘢，
K司亦表示呢幾個月會俾我接觸所有野，
之後再決定專攻邊方面，
我全部都想學都想識，
超級開心好似打機甘，
好開放既世界，
咩都有，
超正。
跟住賣野方面因為有人生經驗後，
我了解到自己銷售既方式，
吾強求做到好勁，
但會學習更多令自己風格更好更引人入勝。

大腦係甘諗緊咩，
專心吾到寫作，
打機先。