日記上載 2025年12月1-31日

今日5點已經自然醒左，
我吾確定係唔係因為愛同開心令到我身體能量好所以好快就休息好，
但我選擇甘樣去諗同相信，
我前幾個星期同今個星期真係相差好遠。

精神同休息都好大分別，
好多謝煒煒豬一直陪住我照顧我同保護我，
令我有好大安全感去慢慢清理過去陰影同重新建立快樂同正向。

我發現到我一直向煒煒豬拎野，
我想俾反啲野煒煒豬，
哈哈差啲諗左物質方面，
本身就吾係我專長，
好彩一下子記得反，
身材，
練大隻先係最好既禮物同給予，
努力令身材變好。

今日一個人做野，
好舒服亦好攰，
一個人開一個大大既坑，
好有滿足感，
亦好開心，
一個人靜靜甘做野，
專心甘做好件事，
挖果陣感覺好慢好少，
進度好差甘，
點知保持做落去後就發現，
嘩居然挖到甘深了，
好開心自己做到。

一個人做野既好處就係按自己節奏，
同埋吾會有自責，
係外人睇叫偷懶，
但係我角度，
我只係加速做野時間，
換更多時間做野，
以往返工係要拖慢泥做，
因為做得快下場係再做更多。

我自問無扮工能力，
所以一個人做野真係好岩我，
我好佩服其他人做到只係一份工泥，
吾好諗太多。

但我而家清楚吾係任何標籤去形容我既方式，
而係我既優勢發揮吾到，
我係需要一個可努力用心思考既地方工作去不斷完成自己想完成既事，
而吾係去做一個螺絲，
就係係，
我都要做一個ai級既螺絲。

俾多三蚊我可以訓多15分鐘，

明明想做野但又睇手機，
應用反「我吾值得休息所以要有付出同努力先可以」跟住就中奶頭樂，
其實可以好好休息，
反而睇手機無休息到，
跟住本意休息做吾到。

好好甘記住先得。

yes, and

我要記得先講自己目的後再講內容。

見反朋友，
好耐無見，
一傾就好易傾好耐，
好開心又可以感受到佢既善良同愛，
作為吾送禮吾買手信既我，
每次mandy去旅行都會買手信俾我，
真係自責我無買手信俾佢同時亦感謝佢，
一定要回禮既規則深刻大腦，
明明收禮係開心，
但總會伴隨自責，
我應該點點點好，
人地開心分享喜悅，
點解我會甘既心情同思考，
有毒，
自己俾自己既毒，
而家轉變緊了，
我會講感受同講自己吾叻送禮，
但都會好多謝你去玩時記得我同送手信俾我，
我係吾需要自責，
一段好回憶俾自己搞成甘真係好抵，
同心痛自己。
（黑暗想法浮現左啲，遲啲再處理）

聽到佢分享日常同近況，
好希望佢一切順利。

人身太多事情，
太多同類事情重復發生，
我每次成長後都對同類事情做法吾同，
同時有意識既話我會同埋個機會學習，
好似沉日學習用yes, and. 雖然吾理解，
但的確見到對方反應係舒服，
不過其他時間都好鍾意發表自己…阿有啦，
記抵先，
會唔會有種可能我對溝通泥講大部分都係處於處理問題，
因為我吾會傾閒計，
傾閒計係放鬆，
但問題就出在人地想傾閒計但我吾想時，
我就會將話題扯到我想傾既內容，
我係多種想法中同時出現時，
其中一個想法（我係想幫助自己照顧到人地情緒而去推理分析自己既源頭再針對處理，我想自己好似煒煒豬一樣做到令人溫暖同舒服）..個想法就係我思考問題過程係吾會講，
以及我吾打算搵人幫手時亦吾會講，
所以就會造成我有個疑問，
你又吾係想聽我意見或者真係去處理件事，
點解要同我傾既？
或者係傾訴，
我真係冷血
🤣😂我無朋友都吾係無原因，
但又吾可以甘講，
當對方真係吾開心我會陪佢同安慰，
額！！！
「係回報感？！，我覺得件事對我無任何好處同幫助時就會甘樣，」
係了，
一定係甘，
甘樣就可以解釋到我既隨機性行為，
因為我吾識建立社交
（呢句好吾想承認，
但的確呢一刻我想社交好啲同自己明白可以多個路線選擇，
原來既我只係覺得我係特別，
所以自然朋友，
緣份到自然有，
但就忘記左自己其實只係吾識相處同埋有方法做社交同時亦可以做到自己。）

我既能力只能分析到自己認為既好處
（真難聽，
但事實亦係甘，
因為我既觀念係我搵另一半大於一切，
所以好自然我專注點都係哂一對一既兩人生活到，
而社交呢種電池式交流滿足吾到我同時我吾識俾對方滿足，
呢個比喻幾好，
我係直流電
😂🤣但我只要接個電池充電器我都可以滿足全部，
哈哈真係好得意既比喻。
煒煒豬呢啲諗法都係有你既愛同溫暖，
令我知道我係可以做到，
多謝你，
同時亦想俾你知道，
我既思考過程，
我會思考如何做到yes and，
而家有你幫手分析我輕鬆左好多，
以前我真係遇到問題全部自己處理，
但我能力又經常困局左自己，
造成左內耗同惡性循環。
好開心我都感受到自己既變化，
我慢慢打反開
（吾知點解用打反開，感覺上我係有意關上過）
對他人既照顧同給予，
我預見呢樣野會帶俾我有幾大幾大既幸福美好，
我會裝備呢個技能🍀😊🥰好謝你

睇住人地忍吾住幫他人解決事情時..
我睇到自己既過去式，
好多行為想法我都好似重播以前既自己甘，
明明一番好意，
卻無法傳達到俾對方知，
仲有機會反效果，
但當下吾會知道其實自己無表達清楚，
我好彩幸運亦好用心去學習成到呢一刻，
我知道無一樣可以跳步，
我有自我完美強迫症亦有煒煒豬既愛同時間同理解，
我地有多年既互相了解既基礎，
我有係自我同內心深造既經驗，
同時天生嘅極度善良，
令我今日可以用過來人去睇呢件事，
但係當我想幫時亦吾知點幫，
（原來以前我會因為幫人，而覺得問題係人地身上，痴線，我發現到呢樣野真係好誇張，鏡中鏡，我睇人即係睇緊自己）
因為我未有時間了解更多同時自己未能想全心力去幫助，
所以我我選擇左煒煒豬教我既方式，
重復自己覺得好用既內容，
直接加入自己既能力再重述對方既意思，
再交由對方決定之後既去向，
我既做到自己想做既又可以俾佢選擇。
以前既我真係好難理解。

我打機既心吾同，
享受都吾同左，
以前打機都係為左呢樣為左果樣，
但問我時就只係識答開心，
但就玩得吾開心，
以前既自己真係都無好好甘去玩過一隻遊戲，
就算玩單機遊戲，
都係想非主流或者做所謂既無謂野，
目的就係要同主線遠離，
因為我做吾到，
我體會吾到跟住做既快樂。
而家我意識到，
係有一種跟住主線同時我快樂著，
而我既思維思考係自由，
我限制自己既野，
係我親手創造，
難聽啲講叫「自己搵苦泥幸」但同時好聽去諗「我隨時可以取消，因為我係創造本人」
呢個講法幾好，
希望將來幫到同樣經歷或用得著呢句既人，
希望幫到大家。
我最近狂玩遊戲，
但個心變左好多，
我無左玩遊戲既束縛，
而係我玩緊一個遊戲，
而吾係俾遊戲限制我甚至玩我。
我好用心甘玩遊戲，
同時去了解遊戲，
但當我了解完或者覺得浪費時間就停，
後面可以會有精彩，
但我亦清楚其難度同值吾值得我付出，
跟住我會拎住當下既快樂抽離。

我要往高認知世界走，
我明白對我有幾大幫助，
我係煒煒豬既說話入睇到呢樣野對我既重要性，
我以前一直覺得高認知世界離我好遠，
而家發現非也，
好近好近，
呢個近吾係距離，
係見得到，
睇到既距離先知可以去到甚至係有可能性
（知道可以有好多方式去解答，請保持我呢邊既感性😂🍀），
我真係估唔到我會覺得自己有可能既一日，
一切一切都好感謝愛。
感謝煒煒豬，
我真係好鍾意你同愛你。

經過沉日既沉澱同大量輸出後，
我既感覺好左好多，
同埋開始睇到好多突破口既位，
一一甘突破。

高認知圈子同能量係我下一個要做既方向，
我岩岩係度諗，
高認知圈子我想像到大家都係利己利他思維，
當犯錯時，
大家都會先諗佢無心同埋會給予正向回應，
就是有人利己害人，
亦會主動承認自己有呢個心及自我了解到原因，
再向外尋求協助，
大家亦會睇到佢有自私既情況及用聆聽到佢後面既原因。

大家亦自我內心富裕，
不需要再向外索取內心滿足，
或以物質麻木自我呼喚。

我可以想像甘既環境下大家既舒服可以有幾甘好，
突然記起少少夢境中美好既世界。

我發現到我並未對我想要嘅向前行，
我係原地既花園打轉享受緊，
我岩岩個腦諗緊要放下再向前行，
同時亦有新想法，
我只要回望自然望到，
我成就到當下，
剩下既都係世界既本身，
我係影響圈般對周圍既影響，
如果我習慣影響本身就會忘記世界本身既外貌，
所以我自己本身就係一道風景，
就好似光環般有範圍，
有大有小，
有人能力可以包住全世界，
亦有包住內心既字宙。

可以向前望，
你本身就係風景，
你要相信自己，
小志志已經同時有兩種甚至更多想法，
係思想上已經有得自然選擇中，
回望自己既，
你就會明白個感覺係幾甘舒服同美好，
我想同小志志講，
你內心而家吾淨係得不安，
仲有希望同美好。

想同自己講野，
因為我吾識表達自己內心，
但識得同自己對話同安慰，
小志志你會擔心好多野，
你所擔心嘅都係你想預計既風險，
你好驚風險帶泥既後果，
你會諗影響邊個影響邊個，
好想係世界消失，
但你既善良有好多方式展現，
甘多年泥，
你承受住你能力以外既壓力同失望，
連我地都想像吾到你全部撐過泥，
我哋吾歸納任何原因，
只著重係你做到，
係已經做到，
所以你要好好擁抱自己，
我地都會擁抱。
（擦淚）你對媽咪同煒煒豬既自責心好大好有力量，
呢份力量推使你係超能力上既無限加倍去使用同練習，
當初你無諗甘多，
只係一咪照顧他人，
如今你發現到呢個照顧過程，
你慢慢因而多方面成長左好多，
記反同煒煒豬既對話，
討好他人亦能轉化成能力，
你都一樣可以，
你既照顧亦能慢慢照顧到他人時同時照顧自己。

我要寫許願同未來之書俾自己，
的確我吾記得咗要做同點做。

今朝放狗跌親，
整個人爬咗落地，
完全用單手撐，
果下知道整親，
同時事後回想自己無跌親既技巧，
我無卸力導致左手同關節受傷，
而家開始活動受限，
但吾知邊度出事，
嗚嗚，
突然發生件甘既事。

隻手既問題，
訓醒後雖然消左部分腫，
但活動範圍仲係受阻，
同埋關節既痛好似保持不變，
跟住隻身去大家拎員工證同埋即場預約醫，
一個人係大學時好慌張，
好想有人幫我，
但人來人往，
我問職員反而吾清楚，
打電話問都係吾清楚，
因為好多人都係識行吾識講，
大學既樓全部都係用人名🫣所以跟本無分類識別，
我都係無辦法既情況下問左一位路人先知點行，
佢亦講得好詳細，
問完之後先發現搵吾到人問都係自己嘅思維問題，
我假設阻到人、
人地都吾識之類情況，
令到人來人往既路上，
我無去問，
同類情況我生活工作上都不斷發生，
我自己阻礙自己無數次，
如今我能意識到呢件事真係好開心🍀🥰
因為我知道之後就可以解決，
以前一味往外怪責，
完全吾知原因，
而家覺得自己以前認知好低，
而低既原因我亦認為係好簡單既事「了解同表達自己」，
但長年累積後形成「自我保護機制」就會不責手段去執行，
而我偏偏仲係內耗自責型，
一直一直壓榨自己，
最終核爆，
而爆發並非最大影響，
影響最勁係忍受既過程又慢又長，
期間對任何事都係負面又無活力，
一兩次既爆發大家會當意外，
但長時間既負面就會成為我就係甘既人。

包括岩岩呢句都係內耗最主要原之一，
他人如何看待自己，
最親既人都無好好看待自己時，
無建立安全感時，
就會用辦法去搵呢個需求，
跟住就命運同自我既課題，
我自己並無行得好同好舒服，
係煒煒豬俾左大量同無限既愛我後，
我先有安全感後，
先可以慢慢甘搵反自己同面對到自己，

好耐都無主動排過急症，

今日傾左好好既點由煒煒豬整理出泥，點解明明知道卻需要不斷被提醒，因為係聲音影響既環境下，明白穩固前必須要係影響下不斷被提醒先可以到達。

睇返記錄，
對上一次既日記已經係7號，
岩岩好10日，
呢10日我經歷既事同感受多到我好想寫低，
同時量太多，
我其中思考既係我想寫既原因係咩，
由一開始既：
我要養成習慣；

我想分享俾大家，
吾想大家經歷同我一樣情況甚至幫到其他人作為經驗甘走出困境；

我想打造副業。

好似有好多好多不同理由同想法，
但我每個想法背後都有個聲音：
我點解要養成習慣？
吾知，
但呢個方法令我內心沉澱左同思考更集中左，
可以睇到自己內心潛意識既一面，
亦令我有地方舒發情緒，
甘點解係習慣？
吾知；

點解我要幫人同希望大家吾需要經歷就可以得到呢修經驗，
因為我知道個過程好痛苦好難受，
但點解我會想幫人而吾係搵人幫自己？
吾知；

點解我要打造副業，
吾知，
但呢個想法令我開左網站，
令我試左設計網頁，
試左好多我未試過既野，
我好開心回望反，
自己已經做咗好多自己預計吾到既事同經驗。

而點解要打造副業，
就好清楚當初想增加可觀及無上限收入，
但腦海一樣有個聲音：

甘樣真係特咩？
要幾耐先成？
（事實聲音吾止一個，而我並非每次都聽到甚至留意到）
所有經歷同聲音有出既反問，
都會令我無意識層面不斷思考，
而有意識層面面對呢啲情況時往往大多數時候係痛苦同難受，
因為解答吾到。

而聲音既出現亦令我好好奇，
去到最近同煒煒豬傾計並表達左我既擔心同壓力後，
煒煒豬陪我傾同探討同俾方法我去思考，
因為佢都用緊。

問下自己係吾考慮錢自由各種限制下，
諗下一個套每日都一定要做既重複生活會係點安排？
每日都要做既。

煒煒豬用佢自己為例，
就係佢會日朝早都會做拉筋飲蔬菜汁按摩小運動等，
如果朝早做吾到都會係全日其他時間做反，
而當完成到時，
就會覺得做左一部分既理想生活，
佢會好開心同滿足。

我聽到既時候覺得佢好叻同提到方法，
好鍾意佢會好多經驗會分享俾我，
同埋用心聆聽我既情況同陪我思考。

而佢亦一日內同樣問題用左吾同方式去俾我明白當中意思及應用
（我一直吾明🙈就一直問）
好開心佢會耐心同我講解。

而當我真係諗既時候發現我想要既好簡單，
但同時離我生活超遠，
我近乎無做到自己鍾意做既野，
我果陣甘講，
當下我既理想每日重複生活就係太陽出泥前起身，
望住太陽出泥，
跟住再好好拉筋做運動，
跟住就去自己農場搵早餐食，
之後就所有時間睇書做運動創作，
到傍晚再食晚餐後，
就8點前繼續睇書，
8點入睡。

煒煒豬提醒我：
呢個係可以隨時變，
吾係定左就不變。
所以岩岩就係我嘅當下每日重複做都會鍾意既一日生活。

而講完後再同煒煒豬深入討論後，
佢有講到，
其實理想生活有時係吾洗成本甚至係自己都無留意到既隨時可以做。

我想要既生活的確係隨時可以做，
而我亦深思後發現一個可怕既真相，
就係我既聲音大多謝泥至成長，
點表達好呢？

就係好野都係因為錢，
而點解要係因為社會需要，
但我自己又無能力用常人最簡單既方法去搵錢，
讀書搵工升職等等，而

但一切都變好
時間交錯甘成長

同煒煒豬傾計表達左好多自己內心既想法擔心自卑，
我好感恩煒煒豬一直陪住我，
聆聽我，
知道我大腦難受就一直陪我同我傾計，
令到我專意力不斷分散，
我好感恩可以聽到見到摸到煒煒豬，
我可以睇住甘美麗又善良又聰明既天使，
一直展示佢既能量，
係我內心自暴自棄時，
佢既日常一斷幫我打氣，
我迷失時係佢拖住我隻手，
帶我係色彩世界慢慢甘令自己活躍反，
多謝感覺叫我打日記，
我先發現，
我真係無留意到，
呢幾日我幾灰暗都好，
都有一對溫暖既手，
帶住我，
一個常帶笑容既臉望住我，
一個願意分享佢既一切說話時刻，
原來我呢幾日既病，
係要我好好去感受煒煒豬既愛，
我突然覺得我無左好多擔心，
我亦好感恩有呢場大病，
令我可以發現，
即使我病我灰暗，
煒煒豬都會陪我，
同相信我，
我吾知事實係咩，
但我希望係相信我「會變好」。

突然呢個回憶令我好溫暖好溫暖，
明明在身邊，
我卻灰暗沉淪左係混沌。

但同時又會記得煒煒豬係身邊，
原來陪伴係甘既感覺，
我第一次意識到，
感覺到，
以往只係想象。

我亦好感恩係煒煒豬俾左呢個想法我，
因為我聽到煒煒豬同我講，
沉日佢會因計劃打亂而陷入困境時我都陪住佢，
我先可以有參考，
一個正向積極既參考，
令我發現到，
煒煒豬陪足我成個星期既低谷。

多謝你煒煒豬，
我好愛你，
我好感恩你呢個星期一直照顧我帶住我。